English Premier League 2023-24 ah pariatna ni chungin Manchester United chuan season an khar a. Table-a an dinhmun aTang chuan United hian European competion an khel phak lo. EPL-ah pariatna daih ni mah se FA Cup final-ah Manchester City hnehna an champion vangin United hi Europa League khel turin an tling leh a. French club Nice in Europa League an khelh dawn vangin United hian Europa League an khel ngei dawn em tih a chiang lo thar leh.
Europe a football thuneitu sang UEFA chuan club neitu thuhmun in inelna pakhat hmachhawn kawp a remti lo. British pa hausa Sir Jim Ratcliffe chu Manchester United neitute zingah a tel thar a. INEOS chief Sir Jim Ratcliffe hi French Ligue 1 club lian Nice neitu zingah a tel bawk. United leh Nice ah te hian INEOS in neitu nihna an neih ve ve vangin inelna pakhat hmachhawn thei lo dinhmunah an din phah ta a ni.
UEFA in inkaihhruaina a siamah chuan neitu thuhmun club te inelna pakhat hmachhawn tura an tling dun a nih chuan an tualchhung league a sang zawk zawkin inelna an hmachhawn ang a. League a dinhmun hniam zawkin inelna dang an hmachhawn ang. He kaihhruaina hi a taka kenkawh a nih chuan Ligue 1-a pangana Nice in Europa League an khel ang a. EPL a pariatna United in Europa Conference League an khel ve thung ang.
Europa League khel dun thei lo dinhmuna Manchester United leh Nice an awm ang bawk hian Champions League khel dun thei lo dinhmunah Manchester City leh Girona te an awm ve mek bawk. He kaihhruaina hi awm bawk mah se neitu thuhmun; Tony Bloom-a club pahnih Union Saint-Gilloise leh Brighton in season liam ta khan Europa League an hmachhawn dun a. Aston Villa leh Portuguese club Vitoria Guimaraes ten Europa Conference League an hmachhawn dun tawh bawk. Neitu thumun club inelna thuhmun hmachhawn an lo awm tawh vangin United hian Europa League hmachhawn theih ngei an inring a. Girona pawh UCL hmachhawn thei ngei turah an inngai ve bawk.
An beisei ang thil a thleng lo va, Nice leh United ten Europa Leaue an khel dun thei ta lo a nih chuan United hian Europa Conference League an khel ang. Hemi chungchang hi Chelsea in an ngaihven hle tura ngaih a ni.
United in Europa League an khel lo mai thei
Get real time updates directly on you device, subscribe now.
Prev Post
Next Post