Zo hnahthlak leh Meitei kar lum zual

Chawlhni vel a\ang khan Manipur-a Zo hnahthlakte leh Meitei kar a lum zual a, silai pawh a puak leh tih thu dawn a ni. Chawlhni khan Meitei lamin David |hiek an tihlum a, an chet dan a rawng hle. Hei hi Zo hnahthlak lamin na an ti a, thalai rilru nate pawh val upate’n an khap dai hram hram.
Leimakhuong leh Saikul velah silai a puak leh a, Leimakhuong vel hi chu chawlhkar liam ta tawp lam atang khan an inkap tawh. Nunna chan leh hliam tuar zat hriat a ni lo.
Manipur atanga thu dawn danin, Meitei-in rawng taka an tihhlum David |hiek (35) hi Langza khaw mi a ni a, Chawlhni tuk khan rawng taka thah niin, a ruang la tur pawhin silai hmeh puah a ngai.
Churachandpur district-a Langza hi Kom khua a ni a, Hmar chhungkaw 30 vel an awm. Tun buaina vang hian Hmar hi hmun dangah an tlanchhia a, an leilet en turin David |hiek hi an khuaah hian a kal a ni. Zo hnahthlak, khua leh ram venga duty-te (volunteer) awm lohna a ni a, Meitei lam hian lo manin an sawisa ta a ni tih thu dawn a ni.
Langza-ah hian Meitei lam hian in an hal zui a, David |hiek ruang pawh kangmei karah an dah niin an sawi. Chu chu an hriatin Zo hnahthlak lam an thawkchhuak nghal a, Meitei nena an inkah hnuah a ruang hi an la thei ta a ni.
A ruang hi tlai lamah Churachandpur panpui a ni a, mipui thahnem takin an lo hmuak. Mipui rilru a na a, hmanraw tel lo pawha thawhchhuah tum thalai an awm; an inkhap a, an bengdai hram hram tih thu dawn a ni.
Churachandpur District Hospital-a ruang dahnaah tun tum buainaa nunna chan mi 100 chuang ruang dah a ni tawh a, district dangah chutianga dah te, vui tawh te an awm bawk.
Kangpokpi district-a Leimakhuong khua leh Saikul khua velah tun hnaiah silai a puak a, Churachandpur atanga thu dawn danin, heng hmun hnih bak hi tunah rih chuan Meitei tana kal theihna a awm rih loh avangin, hmun danga Zo hnahthlakte awmnaah chuan inkah tak tak a awm rih lo.
Tuining khuaah Meitei-in Zo hnahthlakte an kap a, chu chu Zo hnahthlak lamin kap letin, bunker-a awm Meitei te’n nunna an chan a, Meitei mipuiin chief minister-in nunna chante ruang hi a en tur a ni tiin an phut a, chief minister hi Chawlhni tlaiah khan a kal a ni. (David |hiek tihlumtute, Zo hnahthlak lamin bei letin an kaphlum a, Manipur chief minister-in a hmunah a tlawh a, Meitei ruang hmuahnaah a tel ve tiin social media-ah a darh a, Manipur-a Zo hnahthlakte chuan chutiang a nih loh thu an sawi.)