Billboard Woman of the Year- Karol G

Billboard Woman of the Year- Karol G
Colombian singer Karol G chu Billboard-in Woman of the Year-ah a puang a, March ni 6-a Billboard Women in Music Awards event-ah award hi hlan a ni ang. Karol G hi he event-ah hian a perform nghal dawn bawk a ni.
Billboard Women in Music Awards hi hmeichhe artist, creator leh executive, rimawi khawvela lar chhuak mek leh lar tawh sa, rimawi mai bakah khawtlang tana thawh hlawk te chawimawinan kumtin sem thin a ni.
Tun kum hnih khat chhungin Karol G hi Latin music lama huhang nei lian ber te zingah a rawn tel ta a. A lar chhuahna album KG0516 chu 2021 khan a tlangzarh a, chuta tang chuan rimawi khawvelah a thawm a lian sawt hle a, a album Manana Sera Bonito chu Billboard 200 (albums) chart-ah No.1 kaiin, hmeichhe zaithiam zinga he chart-a Spanish hla hlang awmna album No.1 kaipui thei hmasa ber a ni. A album dang Manana Sera Bonito (Bichota Season) pawh chart No.3 a kai thei a ni. Karol G hian kumin Grammy Awards-ah khan Manana Sera Bonito avangin best musica urbana a dawng nghe nghe a ni.
Nikum khan Karol hian ama pualin Bichota Records a din a. Interscope a thawhpui nghal bawk. Hei bakah hian Con Cora Foundation kaltlangin, hmeichhia dinhmun harsatna a ding te tanpuiin a hun a hmang tam hle bawk.
He award hi SZA, Olivia Rodrigo, Cardi B, Billie Eilish, Ariana Grande, Selena Gomez, Madonna, Lady Gaga leh Taylor Swift te pawhin an lo dawng tawh.
2024 Billboard Women in Music Awards-ah hian Kylie Minogue chu Icon Award hlan a ni dawn a, Maren Morris-i’n Visionary Award dawngin, Ice Spice chuan Hitmaker Award, Charli XCX-i’n Powerhouse Award, Young Miko-i’n Impact Arward, Victoria Monet-i’n Rising Star Award, New Jeans-in Group of the Year award, TEMS-in Breakthrough Award leh Luisa Sonza chuan Global Force Awads a dawng bawka ni.