Premier League-a team talbuai, table hnuai ber luah mektu Southampton chu inrinni zan khan Wolves lakah an tlawm zui leh. Player tam zawk ni chunga Wolves an hneh loh hnuin Southampton in an manager Nathan Jones an ban a. Jones hian thla thum chauh Saints a enkawl hman.
-- Advertisement --
EPL season kal mekah khel chhe tak Southampton hian November 10, 2022 khan Nathan Jones hi an manager thar atan an ruat a. Beiseina sang tak nei chungin Jones la lut mahse siamtharna an chang thei chuang lo. Luton Town manager hlui Jones hian Sout-hampton hi inelna hrang hrangah vawi 14 a kaihruai hman a, vawi 9 zet tlawm zawkah an tang. Kum 49 mi Jones hian Premier League bikah vawi kua a kai-hruai hman a, vawi riat zet tlawm zawkah an tang a. An khelmual St Marry’s ah ngei a zawnin khelh li chhung zet an tlawm zawn hial bawk.
Tarlan tawh angin EPL table hnuai ber luahtu Southampton hian inrinni zan khan St Marry’s stadium-ah Wolves an mikhual. Wolves lakah hian minute 24-naa Carlos Alcaraz goal thun hmangin hma an hruai. Alcaraz goal thun atanga minute thum hnu lekah Wolves player Mario Lemina hnawh-chuah a ni a, hmahruai zawk an nih bakah player tam zawk an nih vangin Southampton tan chakna ni a herchhuak dawn ngei niin a lang hman. Mah se, hun tawp dawnah an talbuai a, goal hnih an chhuah leh ta tlat thung. Minute 72-naah Jan Bednarek chuan an lamah ti-goal palhin Wolves si phurh a sut sak a. Minute 87-naah João Gomes chuan Wolves hma-hruai letna goal a thun zui leh a. Southampton hi an khelmualah ngei an tlawm zui leh ta a ni.
Wolves lakah an tlawm leh tak vangin Southampton thuneitute an manager Nathan Jones lakah dawhtheih na an nei reng thei lova, Pathianni khan an manager an ban tih an puang chiang ta nge nge. Manager Nathan Jones rual hian first-team coaches Chris Cohen leh Alan Shee-han ten Southampton an chhuahsan ve nghal bawk. Saints hian inrin-ni zan khian Chelsea an hmachhawn leh dawn a, Chelsea an hma-chhawn hunah hian coach Ruben Selles-a’n a kaihruai rih ang.