Astana khawpuia Asian Indoor Athletics Championships-ah Indian athlete pahnih Jyothi Yarraji leh Jeswin Aldrin chuan silver medal ve ve hlawhchhuak chungin national record an kawlsa an khum ve ve.
-- Advertisement --
Pathianni khan Jyothi hian women’s 60m hurdles-ah silver awrhin, Aldrin hian men’s long jump-ah silver bawk a la.
Yarraji hian Inrinni khan a hmaa national indoor record a lo siam tawh (8.16 sec) khumin second 8.13 a hmang a, Pathianni khan Japanese Masumi Aoki (8.01 sec) pha loin pahnihna a luah.
Aldrin hian final-ah metre 7.97 zuangin, gold awrhtu Lon Yu Tang (8.02m) of Chinese Taipei a pha lo.
Zirtawpni qualifica-tion-ah Aldrin hian metre 7.93 zuangin, hei hi a national indoor record a ni hman zawk a, amah vek hian Pathianniah a khum lehnghal a ni.
Inrinni khan wo-men’s pole vault event-ah Indian athlete pahnih pawhin medal awrhin, Pavithra Vengatesh chuan silver a hlawh-chhuak a, Rosy Meena chuan bronze a awrh.
Zirtawpni khan Astana-ah hian India chuan medal pali lain, shot putter Tajinder Pal Singh Toor chuan gold medal a deng a; Karanveer Singh (shot put), Praveen Chitravel (triple jump) leh Swapna Burman (pentathlon)-te’n India tan medal an sualchhuak ve bawk.