Defending champion Belgium chuan hun tawp hma minute ruk chiah awm tawha an siphurh sutin Germany lakah Thawhlehni khan men’s hockey World Cup match-ah 2-2 draw an hlawh- chhuak hram a; he Pool B match-a Belgian-ho tlawm tur chhantu hi Victor Wegnez a ni.
-- Advertisement --
Bhubaneswar khuaa hnehna an chan zawh loh hnuah Belgium hian direct-a quarter-final luh beiseina an la nei thiang zui zel tho a; ti hian, Germany nen khelh hniha point li ve ve nei chungin January ni 20, naktuk, Zirtawpni hian Rourkela khuaa Birsa Munda Stadium-ah an pool match hnuhnungber ve ve an khel zui leh dawn a; Belgium hian Japan tumin, Germany-in South Korea an su thung ang.
Tun dinhmunah goal difference-a an \hat zawk avangin Belgium hi pool hmahruaitu niin, FIH Men’s World Cup trophy an kawl lai humhim turin kawng thui tak zawh tur an la nei.
Thawhlehni inkhelah Cedric Charlier chuan minute kua an khelh tlin rualin Belgium hma-hruaina goal a vawlut zet a, he goal hmahruai hi field goal a ni nghe nghe.
Germany beilet tan Wellen Niklas (22nd minute) leh Tom Gram-busch (52nd, penalty-stroke)-te’n an siphurh an chhanglet a; minute 54-a Wegnez goal hmangin Belgium-in tlawm an pumpelh.
Thawhlehnia an pool inkhel dangh South Korea chuan si phur hmasa zet chungin Japan lakah 2-1 hnehna an changlet a; Korean chakna goal hnih hi minute riatna leh minute 23-a Lee Jung-jun-a field goal ve ve niin, Japan goal neihchhun ni zui ta hi minute khat leknaa penalty-corner atanga Ken Nagayoshi hlapluh a ni thung.
Point thum neiin South Korea hian an pool-ah pathumna luah-in, an match hma-saberah singa faiin Belgium an hneh lo a; Japan hi Germany lakah sithum faiin an lo tlawm ve tawh bawk.
Thawhlehnia South Korea an ngam loh \umin hun tawp dawn-ah Japanese player 12 zet khelmual chhungah hmuh an ni a, he thil thleng hi International Hockey Federation (FIH) chuan ngawrh takin a chhuichiang mek.