J-Hope chu April ni 18 khan South Korean military boot camp-ah a inpu lut tawh a, South Korea danah mipa pangai, pianphung leh rilru lama harsatna nei ni lem lo te chu sipaiah thla 18 tal an tan ngei ngei a ngai a, chutiang dan tipuitling tur chuan J-Hope pawhin boot camp a lut ta a, BTS-a a member pui ten an thlah lai video an group BANGTANTV-ah an tilang.
Suga, RM, Jung Kook, Jimin leh V te chu an thianpa vai liam turin an thleng kim thap a, hlim takin an invai liam thei ta a ni. Jimin chuan, “Kan J-Hope…a mal te tein an kal zel a nih hi,” tiin a inkuah a, J-Hope chuan, “I rawn kalna a hla si a, i tha maw? Zanah te i mu tha em?” a ti a.
Jung Kook pawhin fiamthu thawhin, “Jin a kal kha chuan engmah ka danglam lo va, mahse, J-Hope a kal ve leh tur chu ka ngui ve ta ruai mai. Ka fiamthu mai mai a nih kha!,” a ti a, chutihlai chuan V pawhin a mittui tla tur lo insum ve hram hram a, “Tu emaw tap ta se, Jin nen khan a danglam vak chuang lo tihna a ni ang maw?” a ti ve bawk.
Jin pawhin a sipai tan lai chawlh la zuaiin, a hnuah video-ah a rawn lang ve zawk bawk.
BTS-a a member pui te nen thla an lak nual hnuah J-Hope chuan BTS ARMY tana thuchah sawiin, “Awle, ARMY te, ka kal dawn ta. Korean mipa pangngai ka nih anga ka duty ka puitlin a ngai. Him dam takin ka rawn kir leh ang a, a hma aia tha zawkin, tichuan kan in chibai leh lawp lawp dawn nia. Fighting! I love you,” a ti.
J-Hope hi BTS member zinga sipaia inziak lut pahnihna a ni a, nikum December khan an member dang Jin chu sipai-ah a lo inziak lut tawh a, member dang te pawh tun kum hnih chhung chuan sipai-ah an inziak lut hman vek tawhin a rinawm.
BTS-in J-Hope sipai tang tur an thlah
Get real time updates directly on you device, subscribe now.