Usher leh Roberta Flack te chuan an hming bulah ‘Dr.’ tih an dah thei dawn ta, a chhan chu khawvela rimawi zirna hmingthang berte zinga mi Berklee College of Music chuan heng artist pahnih hi honorary doctorate degree an hlan dawn tih an puang a, kumina graduation ceremony-ah an hlan nghal ang.
He ceremony hi May ni 13 hian Boston University-a Agganis Arena-ah neih a ni dawn a, multi-instrumentalist Sona Jorbarteh pawhin honorary degree hi a dawng dawn a, an pathum hian 2023 class of graduate hmaah thusawina hun an chang theuh dawn bawk a ni. Kumina he college atanga rimawi zirchhuak te hi zirlai 200 chuang, vocalist, musician, dancer, arranger leh producer te an ni.
Berklee atang hian honorary degree dawng hi zaithiam leh musician lar zingah an awm zeuh zeuh tawh a, chung zingah chuan Duke Ellington, Aretha Franklin, Quincy Jones, Celine Dion, B.B. King, Joni Mitchell, Chaka Khan, Esperanza Spalding, Willie Nelson, Missy Elliott, Ringo Starr, Gloria Estefan leh John Legend te pawh an tel.
Grammy pariat dawng tawh, Billboard Hot 100 (singles) chart-a No.1 kai thei hla pakua nei tawh Usher hi rimawi bakah lemchan lama a hlawhtlinna leh a thawhhlawkna bakah midangte tana a inpekna avanga he degree hi hlan tur a ni a, Flack pawh hi Grammy pali dawng tawh, Hot 100 chart-a No.1 kai thei hla pathum nei tawh a ni a, a hlaah hit zingah ‘Killing Me Softly With His Song’ pawh kha a tel a n
Usher leh Roberta Flack ten Berklee College a\angin Honorary Doctorate an dawng
Get real time updates directly on you device, subscribe now.
Prev Post
Next Post