c Arsenal chuan £100m sengin West Ham leh England midfielder Declan Rice an la thei tep tawh. (Guardian)
-- Advertisement --
c Manchester City manager Pep Guardiola chuan kum 2025-a contract a hman zawh hunah City chhuahsan a tum. (Guardian)
c RB Leipzig chuan an defender Josko Gvardiol chu Manchester City hnenah an hralh dawn a nih chuan amanah £75m tel ngei an duh.(Talksport)
c Manchester City chuan Paris St-Germain in Portugal playmaker Bernardo Silva manah Italy midfielder Marco Verratti leh Italy keeper Gianluigi Donnarumma pe tel tura tawktarh an siam chu an hnar. (Footmercato – in French)
c Arsenal chuan lak tuma an hel mek Brighton midfielder Moises Caicedo chu Chelsea in an lak khalh an hlau hle. Ecuador international Caicedo manah hian Arsenal aiin Chelsea hian sum sen tam an huam zawk. (Football Transfers)
c Chelsea chuan goal keeper thar lak tur an dap chhungzawm zel a, Cameroon international Andre Onana chu lak an tum zingah an telh rih phawt. Inter Milan chuan Onana manah hian £50m an chhiar. (Evening Standard)
c Manchester United leh Chelsea te chu England midfielder Mason Mount chungchangah an indawr chhunzawm zel a. Club pahnihte hi Mount manah an ngaihdan a la thuhmun thei lo. (Sky Sports)
c Manchester United chuan Tottenham striker Harry Kane an lak theih hmel loh. Spurs hian an forward pawimawh hi an chelh thei hlawl lo a nih pawhin Premier League-a an elpui lakah hralh an duh lo. (Sky Sports)
c Tottenham chuan Brentford chu Spain keeper David Raya chungchanga indawr turin biak thuai an tum. Raya lak tuma hel mek pahnih Spurs leh Manchester United te chuan kum 27 mi manah hian £40m sen an hreh ve ve. (Sky Sports)
c Crystal Palace winger Wilfried Zaha chuan kum khatah £30m zet hlawh tura Saudi Arabian club Al-Nassr in an sawmna hnar a tum. Ivory Coast forward hi Paris St-Germain leh Marseille ten lak tumin an ngaihven. (Guardian)
c Saudi Arabian club Al-Hilal chuan Chelsea, Manchester United leh Totten-ham manager hlui, tuna AS Roma enkawl mektu Jose Mourinho chu an manager thar atan an duh. (Foot Mercato – in French)
c Newcastle United chuan Wolfsburg midfielder Felix Nmecha lak an rilruk a, Nmecha hi £15m velin a lak theih tura ngaih a ni a. Magpies hian Nice leh France midfielder Khephren Thuram an thlithlai tel bawk. (Telegraph – subscription required)
c Manchester United in kum liam taa lak an tum Dutch midfielder Frenkie de Jong chuan manager Xavi ruahmannaah hmun pawimawh tak a chang thar a, Barcelona tan a khelh chhunzawm zel a rinawm ta hle. (Voetbal International, via Manchester Evening News)
c Aston Villa chu an manager Unai Emery nen Sevilla-a lo thawk dun tawh sporting director Monchi lak luh an tum. (Express & Star)
c Chelsea chuan nipui bazar inhawn hunah an chhawr tangkai pawh loh player 10 vel zet an hralh rin a ni. (Football London)
c Barcelona in Wolves leh Portugal midfielder Ruben Neves thleng nan hman tum mah se Barcelona leh Spain forward Ansu Fati chuan Nou Camp chhuahsan a duh lo. (Sport – in Spanish)
c Chelsea atang Mason Mount an lak theih hmel tak loh vangin Liverpool chuan Southampton leh England midfielder James Ward-Prowse lak an tum dawn. (Mirror)