Grupo Frontera leh Bad Bunny hla hit ‘Un x100to’ chu Billboard Global 200 chart-ah a No.1 a, Grupo Frontera tan he chart-a No.1 kai thei hla an neih vawi khatna a ni a, Bad Bunny tan a vawi hnihna a ni ve thung. Hetihrual hian he hla hi regional Mexican genre niin, kar kaltaa No.1 Eslabon Armado leh Peso Pluma ‘Ella Baila Sola’ pawh kha regional Mexican genre tho niin, he chart-a regional Mexican genre ve ve No.1-a inchhawk vawi khatna a ni, heng hla pahnih chiah hi he genre atanga he chart-a No.1 kai thei an la ni bawk.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian ram hrang hrang 200 chuang a official-only streams (subscription leh ad-supported audio leh video music services) leh download sales te chu tehna pawimawh a ni.
Grupo Frontera leh Bad Bunny ‘Un x100to’ hi kar khat chhungin khawvel huapin stream maktaduai 110.2 a tling a, download sales 4,000 a kai bawk a, hei hi chart-ah No.5 atangin No.1 a kai pui ta a ni. Grupo Frontera hi Texas chhuak an ni a, he chart-a No.1 an kai vawi khatna niin, Puerto Rican Bad Bunny tan a vawi hnihna a ni ve thung a, Bad Bunny hian Jhay Cortez nen ‘Dakiti’ chu 2020 khan kar thum chhung a lo No.1 pui tawh a ni.
Kar kalta No.1 Eslabon Armado leh Peso Pluma ‘Ella Baila Sola’ chu stream maktaduai 104.2 leh download sales 3,000 tling lehin No.2-ah a tawlh a, Yng Lvcas leh Peso Pluma ‘La Bebe’ chu No.3-ah bawk a la awm a, heti hian tunkar Global 200 chart top three chu regional Mexican genre leh Spanish tawng hla vek an ni a, hetiang hi he chart-a a vawi khat thlenna a ni bawk.
Chart No.1 hlui Miley Cyrus ‘Flowers’ chu No.2 atangin No.4-ah a tawlh a, chart No.1 hlui bawk SZA ‘Kill Bill’ chu No.4 atangin No.5-ah a tawlh ta bawk.
Tunkar chart top 10-ah hian YOASOBI ‘Idol’ chu stream maktaduai 45.7 leh download sales 25,000 tlingin No.14 atangin No.10-ah a invawrh a, Japanese Ayase leh Ikura tenb he chart top 10 kai thei hla an neih vawi khatna niin, Japanese hla he chart top 10-a lang thei pahnihna a ni bawk.
-- Advertisement --
Billboard Global 200 Top 10:
1 Un x100to – Grupo Frontera X Bad Bunny
2 Ella Baila Sola – Eslabon Armado X Peso Pluma
3 La Bebe – Yng Lvcas x Peso Pluma
4 Flowers – Miley Cyrus
5 Kill Bill – SZA
6 Die For You – The Weeknd & Ariana Grande
7 Calm Down – Rema & Selena Gomez
8 Cupid – Fifty Fifty
9 Last Night – Morgan Wallen
10 Idol – YOASOBI