Laos sorkar sawiseltu langsar kaphlum

Laos sorkar langsar taka sawiseltu lar tak chu Laos khawpuiah kahhlum a ni.
Kum 25-a upa Anousa ‘Jack’ Luangsuphom chu inhnaihchilh takin a hmaiah leh awmah coffee shop -a a awm laiin kahhlum a ni a. Kub Kluen Duay Keyboard (Driven By Keyboard) Facebook page siamtu a ni a, huaisen taka Communist sorkar sawiseltu a ni.
Right groups te chuan tun thlenga sorkar berin tualthahna chhui chian a nih tur thu pawh a la puang lo chu an dem thu an sawi nghal a.
Security camera chuan tualthattu hi a la fuh a, kawr lian tak leh lukhum dum khumin cafe lutin Luangsuphom hi a kap nghal a, a tlanchhe zui a ni.
Activist la naupang tak hi ‘Laos a mi tlem te langsar taka sorkar sawisel ngamtu a ni’ tiin Human Rights Watch (HRW) te chuan an sawi a.
“He thil thleng hian Laos ah chuan sorkar sawiseltute him lohzia a pholang a ni,” tiin group’s Asia director Elaine Pearson chuan a sawi.
HRW te chuan Laos sorkar chu activists tihna chhuichianna kawngah tha thawh chak lovah an puh a, an sawisel nghal bawk.
Tun hma atang tawhin Laos sorkar chuan activist lar tak tak te sorkar sawiseltute, human rights defender leh political activists tena beih an tawhin sawi a nei ngai mang lo a ni.
Activist lar tak Sombath Somphone pawh kum 10 chuang Vientiane a police custody-a a awm hnuah a chin hriat lohin a awm zui tawh bawk a.
Hei mai bakah hian HRW te chuan Lao activist tho Bangkok-a cheng Od Sayavong chu August 2019 atang khan a chin hriat lohin a awm tawh an ti bawk.
Sorkar chuan heng an khua leh tui an chin hriatloha awm te awmna a hria tia an puhna chu a hnawl thung a. Laos-ah hian Communist ten rorel mekin Asia-a ram rethei ber pawl niin sorkar laka lungawilohnain hmun a chang meuh lo.
Thailand leh China inkara landlocked ram niin Lao Reople’s Revolutionary Party te rorelna ram a ni a. Thuneitute chuan sorkar sawiseltute chu vauin an hmet mit zel tiin, US political advocacy group Freedom House te chuan an sawi.