Israeli war cabinet minister bang

Israeli war cabinet minister Benny Gantz chuan Prime Minister Benjamin Netanyahu a Gaza post-conflict plan a ruahman chungchanga ngaihdan inmil lo avangin banna a thehlut a.
Gantz chuan rilru na tak chungin banna a thehluh thu sawiin, “Vanduaithlak takin, Netanyahu hian hnehna famkim kan neih a rem ti lo a ni,” tiin a sawi.
Netanyahu cho thei bera ngaih niin Gantz chuan Netanyahu chu inthlan hun rawt vat turin a ngen bawk a.
Chu chu chhangletin Netanyahu chuan “Benny, tun hi campaign bansan hun a ni lo va, lungruala chetlak hun zawk a ni,” tiin a sawi ve thung.
Gantz hi Netanyahu political rival ber niin Israel Defense Forces (IDF) chief of staff hlui a ni bawk a.
A telna centrist National Unity party chu 11 October 2023 thleng khan opposition a awm reng an ni a, mahse, Hamas tena 7 October a Israel an beih hnuah Netanyahu a emergency sorkar zawm an remti a. Nationla Unity te hian emergency sorkar ah post panga an chelh a ni.
Opposition leader ni mek Yair Lapid chuan Gantz thutlukna chu thlawpin thutlukna pawimawh leh dik a ni a ti thung a.
Banna a thehluh veleh far-right National Security Minister Itamar Ben-Gvir chuan war cabinet a tel a gniat nghal bawk.
Ben-Gvir hi right-wing coalition a tel niin Israel in US President Joe Biden an Gaza indonaa remna a awm theih nana ruahmanna a siam pawm a nih chuan sorkar atanga bana sorkar tihthluk a tum thu sawitu a ni.
Thla kalta khan Gantz chuan Netanyahu chu Israel-in indona kal mekah ‘six strategic goals a siam tihhlawhtlin a nih theih nana ruahmanna tihhlawhtlin hun atan 8 June a lo bituk sak tawh bawk a ni.
Gantz chu retired army general ni bawk niin Netanyahu sawiseltu langsar tak niin tivhung chuan ‘War Cabinet’ a member pawimawh ni reng niin amah leh prime minister Netanyahu bakah Defence Minister Yoav Gallant te chu pawimawh zuala ngaih an ni.
Gantz chuan sorkar atangin mimal anga a ban loh thu sawiin mahse National Unity party chair a loh pawh a kalsan thu a sawi bawk a.
Gantz banna avang hian israeli sorkar chu a tlu dawn lo va, Netanyahu chuan Knesset member 120 awmah member 64 a la nei tho a ni.