Khawvela suspension bridge sei ber

Khawvela suspension bridge sei ber
Hungary hmarchhak lam, Slovakia nena nena an inri-na bul, Sátoraljaújhely a Bridge of National Unity chu meter 723 a sei niin, mihring kalna suspension bridge sei ber niin Guinness World Records-in a puang a, Nilaini kalta khan Guinness World Records lawmna hun hi an hmang. Suspension bridge chu lei a, dotu ban nei lo, hrui hmanga inpawt kang ti ila kan hrethiam mai awm e. A hmaa hetiang record siamtu lei sei zawng chu meter 4-in a rawn khum a ni.
Sátoraljaújhely mayor Peter Szamosvolgyi chuan he lei dawh puitling tur hian mi tam tak rim takin an thawk niin a sawi a, an hlawhtlinna chu chawimawi phu tak ni a a hriat thu a sawi bawk. He lei hi nikum June ni 4-a an hawn kha niin, Mayor chuan thla ruk chhungin khualzin 3,00,000 chuangin an tlawh hman tawh niin a sawi a, kuminah chuan a tlawhtu pawh a letin an punga a rin thu a sawi bawk.
He lei hi Majuskut Valley-ah meter 84 a sangah a indawh a, a laiah meter 8 a sei darthlalang panel a nei bawk. He suspension pawt kangtu atan hian thir hrui a lai hlawhtlanga 70mm a lian paruk an hmang a, ton 245 a rit a ni. A chhuat hi meter 1.2 a zai niin, tum khatah mi 300 vel tana ngampa taka zawh theih tura a duan a ni bawk.