Makhachev leh Oliveira an inbei nawn leh dawn
October 21, 2023 khian Abu Dhabi-ah UFC 294 neih a ni dawn a. UFC 294-a maint event-ah Islam Makhachev leh Charles Oliveira te intumin kawnghren an inchuh nawn leh dawn a. Khamzat Chimaev leh Paulo Costa te an in hmachhawn dawn bawk.
Islam Makhachev leh Charles Oliveira te hi October 22, 2022 khan lightweight kawnghreng inchuhin an lo inhma-chhawn tawh a, hemi tum hian Chimaev hian second round-ah sub-mision hmangin hnehna a chang a, a vawikhat nan World champion a ni. March, 2023 khan Alexander Volkanovski hnehin a kawnghren a humhim. Abu Dhabi-a an inhmachhawn nawn leh hunah hneh nawn lehin, a kawnghren hum nawn leh a tum dawn a. An inbeih hmasak tuma a hneh loh hneh let ngei tumin Oliveira hian tan a khawh ve thung ang. Oliveira hian Chimaev a hneh loh hnuin June 2023 khan Beneil Darish a hneh a, title fight a hmachhawn leh theih phah.
Swedish fighter Chimaev hian UFC-ah fight vawi 12 a hma-chhawn tawh a, tlawm a la nei lo. World champion hlui Oliveira hian fight vawi 44 zet a hmachhawn tawh a, vawi 34 chakin, tlawm zawkah vawi kua a tang tawh.
UFC president Dana White chuan welterweight champion Leon Edwards leh Colby Covington ten November 11-ah kawnghren an inchuh tur thu a lo sawi tawh a. Edwards leh Covington te inbeihna hmun tur hi thlan fel a la ni lo va, Abu Dhabi a nih loh chuan New York a ni ang. UFC-ah fight ngaihven hlawh zet mai a awm dawn bawk a, palian huangah champion lai Jon Jones leh Stipe Miocic ten kawnghren an inchuh dawn bawk