United an chak hram

Season tharah tha zawka inlan tumin club hrang hrangin inbuatsaihna an kalpui a. European club ten friendly match an hmachhawn sang sang hlawm. Nilai zana inkhelah Manchester United chuan si khat faiin Lyon an hneh hram. United an chak hram laiin Chelsea leh Liverpool ten awlsam zawkin hnehna an lo chang ve thung.
Manchester United hian Scotland-a Murrayfield Stadium-ah French Ligue 1 club lian Lyon an hmachhawn a, khel chhe lem lo mah se goal an thun lawk thei lo va, goal khat bak an thun belh thei lo bawk. Red Devils hian chawlhlawk hmaa goal an thun theih loh hnuin second half-ah bul an tan tha a, goal an thun ta thuai. Second half tan atanga minute lina lekah Dony van de Beek chuan hmahruaina goal a thun. Hun tawp thlengin goal dang an thun belh thei lova,Van de Beek goal thun hi an chakpui zui ta a ni. United chakna goal thuntu Van de Beek hi Old Trafford-ah a cham chhunzawm thei dawn em tih a la chiang lo thung.
Nilai zan vek khan Chelsea chuan USA-ah Wrexham an hmachhawn a, si nga faiin hnehna an chang. Chelsea tan hian tan atanga minute thumna lekah Ian Maatsen chuan hmahruaina goal a thun a, Maatsen hian minute 42-naah an goal hnihna a thun leh bawk. An goal thum dang hi Conor Gallagher, Christopher Nkunku leh Ben Chilwell te thun a ni.
Nilai zan vek khan Liverpool chuan Germany-ah Karlsruher SC an hmachhawn a, 4-2 in hnehna an chan. Reds tan hian Darwin Núñez, Cody Gakpo leh Diogo Jota ten goal an thun.