MBSE-a complaint hnuah HSLC top-10 ah lang belh

MBSE-a complaint hnuah
HSLC top-10 ah lang belh
Kumin April 29-a Mizoram Board of School Education-in High School Leaving Certificate Exam 2025 result a tihchhuah takah zirlai pakhat chuan a mark hmuh zat endik tura a ngen hnu ah endikin, a hmaa top 10-a lang pha lo chu 9-na a ni.
Kumin HSLC exam-ah hian top 10-ah mi 24 an lang sa tawh a; 2-naah pahnih, 4-na pahnih, 5-na pahnih, 6-na pali, 7-na pathum, 9-na panga, 10-na pathum an awm a ni.
Solomon’s High School zirlai Mary Sui chuan English leh Mizo subject-a a mark hmuh a complaint a. English ah mark 2 a hmuh belh avangin, 9-na nen an mark a inang a, MBSE-in ‘adendum’ an siam a ni.
Kumin HSLC top 10-a mi 24 lang chu, mark tih that hnua luh belh an awm tak avangin 25 an ni ta a; mipa 14 leh hmeichhia 11 an ni.