Mipa beng tithleptu
Hmeichhe tana hriattur pawimawh a awm e. Relationship lama mithiam ten mipa beng tithlep thei ni a an sawi te kan rawn tarlang a, hmeichhe tan chhinchhiah ngei chi a ni ang.
1. Mipa aia fing leh thil hre zawk anga lan tum hi a fuh lo khawp ang. Hmeichhe thenkhat chuan mipa aia an hniam bik loh zia tihlan deuh kher an chak thin a, mipa han hnuaichhiah deuh ran mai te an ching thin. Chu chu mipa bengtithleptu a ni.
2. Mipa ten anmahni ngaihven nasa lutuk hmeichhia hi an ning duh riau. A bik takin hmeichhia ten an fapa ang maiin an en emaw tih tur khawpa hmeichhia ten an ngaihven hian an beng a tithlep tlat. A mamawh hun leh pui a tul hunah atan i awm ngei tur chu a ni, mahse, a nu ang maiin i awm palh ang e.
3. Mipa chuan an harsatna sawi chhuah te hi nuam an ti lo a, chutih laiin hmeichhe thenkhat chuan sawi an ti leh lutuk thung a. Engkim mai sawi an tum emaw tih tur a ni. Kan thil tawn te kan in-share tawn ngei tur a ni a, mahse, in-share nasat leh lutuk hi mipa bengtithleptu a ni thei. A tul chin chauh in-share thiam a pawimawh.
4. Hmalam hun dawn a, lo suangtuah chiam chiam te hi mipa ten an ning tlangpui. Inneih champha lawm dna tur tih vel te, pianchampha lawm dan tur tih vel a hma fê atanga lo ruahman lawk a, lo phulpui chiam chiam chin te hi mipa bengtithleptu a ni thei. Engamah hmaa fa neih dan tur leh inneih huna awmdan tur tih vel te sawipui chiam i tum a nih chuan a ning thuai ang.
5. Rilru inthlak zung zung ang chi te hi mipa bengtithleptu a ni thei. Tih tur sawi a thildang tihsan leh daih ang chi te. Thil sawi tlang lo a, lo hrethiam ve mai tura rin tlat te hi mipa ten an ning riau. Mipa chu tlang taka thil hrilh mai tur a ni a, pehhel kual vel a tul lo.
Mipa beng tithleptu
Get real time updates directly on you device, subscribe now.
Next Post