Nou Camp-ah United lenglut dawn
Thawhlehni leh Nilai zanah UEFA Champions League last 16 khelh a ni a. Zanin, ningani zan hian Europa League khelh a ni ve dawn thung. Europa League last 16 lut tur zawnnaah Manchester United chuan khingpui hautak tak an neih a ngai a, La Liga-a hmahruai mektu FC Barcelona hmachhawn turin Nou Camp-ah an leng lut dawn.
La Liga-a hmahruai mektu Barcelona in EPL ah pathumna ni mek Manchester United an mikhual tur hi Europa League last 16 playoff a inkhel ngaihven hlawh ber a ni a. Anni pahnih inkhela chak zawk zawk hi champion tura rinkai an ni zui ang. FC Barcelona hi manager Xavi hnuaiah an khel tha chho viau a, La Liga-ah point 11 in hma an hruai fal mek a, champion thei turin dinhmun tha takah an ding mek. Barcelona tan hian Robert Lewandoski a hlauhawm leh viau tura ngaih a ni.
EPL-ah pathumna ni mek Manchester United tan Marcus Rashford a pawimawh leh viau dawn a. Last 16 lut thei turin Nou Camp ah tlawm an pumpelh a pawimawh ang.
-- Advertisement --
Europa League Fixture
Ajax Amsterdam v 1. FC Union Berlin 11:15 PM Barcelona v Manchester United 11:15 PM FC Salzburg v AS Roma 11:15 PM Shakhtar Donetsk v Stade Rennais 11:15 PM Bayer Leverkusen v AS Monaco 1:30 AM Juventus v Nantes 1:30 AM Sevilla v PSV Eindhoven 1:30 AM Sporting CP v FC Midtjylland 1:30 AM