Women’s T20 World Cup lawmman an puang

Kumin Women’s Twenty20 World Cup hi he tournament khelh tawha lawmman semchhuah tamna ber tur (tournament-record prize pool) niin, lawmman zawng zawng belhkhawm hi US dollar maktaduai 8.8 a tling dawn a, champion team kutah US dollar maktaduai 2.3 a lut dawn tih Thawhtanni khan International Cricket Council (ICC) chuan a puang.
Team 12 inelna tur he competition hi England leh Wales ramah June ni 12 atanga khelh tan tur niin, a vawi khatna’na kum 2024-a champion New Zealand chuan an title kawl lai humhim an tum dawn a ni.
ICC thuchhuah tarlan zel danin, runners-up kutah USD 1.17 million a lut ang a, semi-final paltlang zo lo team pahnihin USD 675,000 ve ve dawngin, team chhuak zawng zawng tana sum dawn tur hniam ber pawh USD 248,000 a la tling.
Tuntuma prize pool hi tunhnai kum thum chhunga Indian subcontinent huam chhunga men’s and women’s World Cup nghahte ai khan a tlem zawk a ni.
Nikum India leh Sri Lanka inthlentawm 50-over Women’s World Cup-a lawman belhkhawm (prize pool or prize pot) kha USD 13.9 million niin, ICC tournament-a lawman semchhuah tam ber a ni a, a hma chiah world cup 2022 aia a punna chu 297% tehreng niin, champion India khan USD 4.5 million an hui.
2023 edition men’s 50-over World Cup India rama nghahah khan prize pot chu USD 10 million niin, kumin India leh Sri Lanka rama men’s T20 World Cup prize money belhkhawm kha USD 11.25 million a ni.