Zo Events Organisation leh Runmawi App tangkawp chuan zanin hian a vawi hnih nan Mizo Hit Charts Top 10 an puang leh dawn ta a, Lengzem leh Gospel lama thla khat chhunga Mizo hla lar thlanna niin, chart ranking siam nan hian YouTube-a an music video-in thla khat chhunga entu a ngah dan chu tehna pawimawh a ni.
Mizo Hit Charts hi a vawi khat nan May thla khan ranking puan a lo ni tawh a, chart ranking puannaah hian show neih nghal niin, zaithiam te zai bakah chart top 10 a lang te hnenah lawmman leh lawmpuina thuziak te hlan nghal an ni. Tun tumah pawh hian chart top 10-a lang te hi lawmpuina thuziak pek vek an nih bakah top three a lang te chuan lawmman pawisa fai an dawng leh dawn a a, Lengzem/Lenglawng leh Gospel chart-a No.1 a lang hla phuahtute hnenah thilpek hlan an ni bawk ang.
Chart ranking puanna hi zanin dar 7:30 hian neih a ni dawn a, top 10 a lang zaithiam thenkhat an perform dawn a, lawmman sem lehnghal a ni ang. He event hi Runmawi App leh YouTube-ah te en theih tura tihchhuah a ni ang.
Zaninah Mizo Hit Charts puang leh dawn
Get real time updates directly on you device, subscribe now.
Prev Post
Next Post