Champion thar Hill
Pathianni zing khan Brazil khawpui Rio de Janeiro ah hlawhtling takin UFC 283 neih a ni a. Kawnghren inchuhna-ah Jamahal Hill chuan a khingpui Glover Teixeira hnehin light-heavyweight champion thar a ni.UFC 283 a kawnghren inchuh na dangah Brandon Moreno chuan a khingpui Deiveson Figueiredo chu a vawihnih nan a hneh a, flyweight champion a ni nawn leh bawk.
UFC 283 a fight ngaihven hlawh berah Jamahal Hill chu rinkai zawk Glover Teixeira lakah a khel tha viau a. Hill hian round khatna atanga round tawp ber thlengin a khingpui kut a thlak fuh ngun zawk a. Fuh tak taka Teixeira a hnek fuh ngun zawk chhawr tangkaiin amah aia kum 12 zeta upa zawl lakah unanimous decision in hnehna a chang. Kum 31 mi Hill hi endiktu pathumte chuan point 50-44 vekin an chaktir a, UFC light-heavyweight champion thar a ni ta a ni.
UFC light-heavyweight champion Jiri Prochazka chuan a darah hliam na tak a tawrh vangin a kawnghren kawl mek a humhim thei lo. Jiri Prochazka kawnghren kalsan hi Jamahal Hill leh Glover Teixeira ten an inchuh a, phu takin Hill hian hnehna a chang. Hliam vanga kawnghren kawl zui thei lo Jiri Prochazka chuan champion thar Jamahal Hill a lawmpui rual in, a kawnghren kawl tawh la let leh tura a kir thuai thu sawi telin, vaukh-anna thu a chhakchhuak tel bawk.
Fight ngaih-ven hlawh takah a chak zawh loh vangin champion hlui Glover Tei-xeira chuan UFC a chawlhsan thu a puang zui nghal a. Kum 43 mi Taixeira hian kum 10 chhung UFC a hun a hman chhungin fight vawi 23 a hmachhawn a, vawi 16 hnehna a chang.
UFC 283 a kawng-hren inchuhna dangah vawithum inhma-chhawn tawh Brandon Moreno leh champion lai Deive-son Figueiredo te chu a vawi li nan an inhma-chhawn a. Hliam vanga Figueiredo a inlan tluan theih loh vangin Moreno chuan a kawnghren hloh tawh a la let leh.
UFC flyweight a fighter tha pahnih, inhre-chiang tawn em em Figueiredo leh Moreno te hian fight hmuhnawm tak an lantir a, an inhneh-tawk leh pek hle. An khawpuiah ngei inlan a ni bawka Figueiredo hian bul a tan tha a, round hnihna tawp thlengin chetha zawk a ni a. Submission hmanga chak tum viau mahse, round thumnaah chiang zeta a khingpui kut thlak a tawrh vangin tlawm zawkah a tan a ngai ta thung. Round thumnaah hian Mexican fighter Moreno hian chiang zetin Figuei-redo mit koah a hnek sak a, a khingpui a hliam. Round lina tan dawnah Figueiredo mitko hliam hi ulutuk taka endik a nih hnuin Doctor in inlanzui zel thei lova a ngaih vangin fight tihtawp a ni a. Brandon Moreno chu flyweight champion a ni nawn leh.
Fighter tha pahnih Brandon Moreno leh Deiveson Figueiredo te hi vawili an inhmachhawn na a ni a. Mexican Moreno hi vawihnih chak zawkah tangin, tlawm zawkah vawikhat a tang a, vawikhat dang chu an inhnehtawk thung.