C Manchester United chuan France defender Raphael Varane chu contract a hman zawh hun nipui bazarah free transfer in chhuahtir an tum. (Mirror)
-- Advertisement --
C Barcelona chuan nipui bazar inhawn hunah an tlarhma thuamchak an tum a, Liverpool leh Colombia striker Luis Diaz chu lak an tum zinga mi a ni. An beisei anga a chetthat tluan hleihtheih loh vangin Reds pawhin Diaz lakah hian dawhtheihna an nei tlem sawt hle. (Mundo Deportivo – in Spanish)
C Roma leh Lazio te ngaihven Cameroon defender Joel Matip pawh Liverpool chhuahsan tura sawi zingah a tel. (Corriere – in Italian)
C Sum leh pai khuahkhirhna an bawhchhiat loh nan Manchester United chu an player engemawzat chhuahtir tumin an inruahman. United in chhuahtir an rilruk zingah England striker Marcus Rashford a tel. (Express)
C A dam hnua khel tha chho tak Aston Villa defender Diego Carlos chu AC Milan in an ngaihven. (Sport – via TeamTalk)
C Fulham centre-back Tosin Adarabioyo chuan nipui bazar inhawn hunah chhuah a tum tih club a hrilh a. Englishman hi Liverpool, Tottenham leh Newcastle ten an ngaihven. (Express)
C Brighton leh Japan winger Kaoru Mitoma chu Arsenal, Manchester City leh Manchester United ten an ngaihven hlawm. (Fichajes – via 90min)
C Manchester United chuan nipui bazar inhawn hunah Christian Eriksen chhuah zalen an tum a. Denmark midfielder hi Turkey club in an ngaihven. ((ESPN)
C Newcastle United leh Sweden striker Alexander Isak chu St James Park-ah a cham chhunzawm a nih chuan a hlawh 20% zet tihhniamsak a ni dawn. (GiveMeSport)
C Arsenal leh Tottenham Hotspur te chuan West Ham midfielder Daniel Rigge lak an tum. (ESPN)
C Bayern Munich chuan Manchester United boss hlui Ralf Rangnick chu Thomas Tuchel hmunruak luahtu atan an dawr ngei tih an nem nghet. (Goal)
C Chelsea leh Tottenham boss hlui Antonio Conte chu Napoli nen kum thum daih contract ziak turin an inrem. (Rai – in Italian)
C Real Madrid chuan Bayern Munich defender Alphonso Davies chu nipui bazar inhawn hunah lak an tum rih lova, kum 23 mi hi 2025-a contract a hman zawh hunah free transfer in lak an duh tho thung. (Relevo – in Spanish)
C Arsenal chu Brazil defender Gabriel Magalhaes nen contract thar chungchanga indawr turin an inhawng reng. (Mirror)
C Barcelona defender Pau Cubarsi chu contract mawm tak zawrh a ni a, Manchester City in ngaihven bawk mah se kum 18 a tlin hunah Barca-ah hian contract a ziah ngei a rinawm. (AS – in Spanish)
C Juventus leh Manchester United ten ngaihven bawk mah se Bologna chuan an coach Thiago Motta chuan 2024 hnuah an hnena cham turin contract a pawh sei ngei an la beisei reng. (Gazzetta dello Sport, via Football Italia)
C Crystal Palace chuan £55m an chhiar England defender Marc Guehi chuan nipui bazar inhawn hunah a chhuahsan mai an hlau hle. Kum 23 mi hi Manchester United leh Arsenal ten lak tumin an ngaihven. (Times – subscription required)
C Nigeria striker Victor Osimhen chuan nipui bazar inhawn hunah Napoli chhuahsan a tum a, Chelsea emaw PSG emaw zawk zawk chu a club thar tur an nih a rinawm. (Gazzetta – in Italian)
C Borussia Dortmund chuan Manchester United atanga an hawh mek England winger Jadon Sancho chu a nghetin lak an tum dawn. (Fabrizio Romano)
C Manchester United chuan an manager Erik ten Hag hma lam hun tur an ngaihtuah dawn a. Hei hi Old Trafford-ah Sancho kir leh tura puitu a ni mai thei. (Express)
C Liverpool chuan Saudi Arabia club ten lak tuma an hel Egypt forward Mohamed Salah manah £150m vel an ruahman. (Football Insider)
C Netherlands defender Lutsharel Geertruida chuan an manager ni mek Arne Slot chhuah rualin Feyenoord a chhuahsan ve dawn. Inrinni zanah Liverpool leh West Ham te an in draw tum khan Geertruida hi London Statdium-ah hmuh a ni nghe nghe. (Express)
C Saudi Arabia club ten ngaihven bawk mah se Poland striker Robert Lewandowski chuan Barcelona-ah cham chhunzawm a duh.(Sport – in Spanish)
C Juventus leh Roma te chuan Swansea City-ah loan a khel mek Arsenal midfielder Charlie Patino an ngaihven. (Calciomercato – in Italian)
C Manchester City zawm turin angin sawi ni bawk mah se West Ham leh Brazil midfielder Lucas Paqueta chuan a khelh meknaah a la hlim tawk tak zet thu a sawi. (ESPN, via Goal)
C Arsenal, Liverpool leh Manchester United te chuan kum 20 mi Brighton leh Cameroonian midfielder Carlos Baleba an ngaihven. (Caught Offside)
C Leeds chuan Cardiff-ah loan a khel mek kum 27 mi Liverpool defender Nat Phillips lak tumin an ngaihven. (Mirror, via Yorkshire Post)
Manchester United leh Chelsea leh Inter Milan te chuan Dutch defender Denzel Dumfries an inchuh dawn. (Fichajes – in Spanish)
Brazil centre-back Thiago Silva chuan season tawp hunah Chelsea a chhuahsan dawn a. Kum 39 mi hi Brazil club lian Fluminense nen sawizawm an ni. (Teamtalk)
Sum leh pai khuahkhirhna an bawhchhiat loh nan Everton chuan kum 21 mi English defender Jarrad Branthwaite hralhchhuah ngei an ngai dawn a. Hei vang hian Manchester United tan Jarrad Branthwaite lak theihna kawng zau takin a inhawn. (Sun)
Arsenal chuan Brazil defender Gabriel chu contract thar ziahpui tumin an dawr. (Fichajes – in Spanish)
Arsenal leh Borussia Dortmund te chuan kum 18 mi Barcelona midfielder Brian Farinas lak tumin an ngaihven. (Caught Offside)
Blackburn chuan Brentford, Luton leh Sheffield United ten an ngaihven Republic of Ireland forward Sammie Szmodics manah £20m an chhiar. (Sun)